Yahan aaj Kuchh
Andhera sa hai
Dil aaj kuchh
Dooba Dooba sa hai
Ek aahat hui
Toh kuchh
Ghabrahat si hui
Na jaane aaj kyon
Sab kuchh
Sehma sehma sa hai
Pata hai ki ek din
Ujaala bhi aayega
Muskurahat se
Ek din Sunahla
Bhi ho jayege
Pata hai ki khushiyan
Kuchh zyada
Door nahi hain
Par fir bhi aaj
Kuchh andhera sa hai.
Kya ho jo yeh raat
Andheri hi reh jaye?
Dar lagta hai kahin
Ham akele na ho jayen.
Aise toh kabhi
Hum darte naa the
Par aaj aise hi
Kyon sab
Geela geela sa hai.
Yoohin Dil
Ghabraya sa hai.
Pata hai hamein
Ki jo aaj tum hote
Toh aise hum
Yoon seham jaate nahi
Par pata hamein
Ki ab bas kuchh din hi
Aise door rehna hai
Fir toh bas roshni
Ka basera hai
Par fir bhi
Aaj kuchh andhera sa hai.
